space

24 Hours

 

So nagduduty ka na ngayon? Ilang oras ang duty mo?

Marami ang nagugulat tuwing sinasagot ko ang tanong na yan. Hindi kasi aware ang mga tao sa depinisyon ng “duty” ng mga duktor sa ospital. Sa dami ba naman ng nurse sa Pilipinas, tila yata yung depinisyon lang ng 8-hour duty ng nurse ang alam nila.

Sa totoo lang, naiirita ako kapag nakakarinig ako ng reklamo sa mga unit nurses tuwing duty sila sa gabi. Walong oras lang naman yun mga iho at iha. May labingdalawang oras pa kayo para mamuhay ng tulad sa normal na tao sa labas ng ospital. Mapapanood niyo pa yung Despicable Me at yung Sa ‘Yo Lamang at kung panggabi ka naman, may labingdalawang oras ka pa para bawiin yung puyat mo. Mas naiirita ako sa mga nurse na tumatawag ng alas-dos y media ng madaling araw para magremind na may pasyenteng nagpapagawa ng clinical summary. For heaven’s sake. Sinong matinong pasyente ang aalis ng ospital ng alas dos y media ng madaling araw? Ang isa pang ipinuputok ng butsi ko eh yung mag tatawag sa dis oras ng gabi para magpabasa ng skin test. At yung mas malala? Yung tatawag every 30 minutes para magpabasa ng sunod-sunod na skin test sa iisang pasyente. Gaano ba kaliit ang braso ng pasyente na yan at kailangang paisa-isa ang skin test? Minsang may napagsabihan yung co-intern ko na isang nurse tungkol sa gawaing ganyan. Sabi ng nurse, kailangan daw paisa-isa kasi daw baka magcross react. Sabi ko nga kay Tin, bigyan niya ng leaflet yung nurse tungkol sa skin prick test at kung paano ito ginagawa sa mga taong gustong malaman kung ano yung allergy nila.

Pero may mababait din namang mga nurse. At majority sa mga nakakasalamuha ko sa ospital eh magalang. Pero panaknaka merong babarubalin ka talaga. (“Doc! Doc! ay… Intern! Intern!”)

Ano nga ba ang point ng entry na ito? Sa totoo lang hindi ko alam kung bakit napunta tayo sa usaping nurses vs doctors (parang plants vs zombies!). Gusto ko lang kasi sanang i-share na lagpas bente-kuwatro oras akong gising magdamag – 29 hours to be exact. Kalunos-lunos ang sinapit ng 24-hour duty namin kahapon sa Delivery Room sa St. Luke’s. Ramdam na ramdam namin ang epekto ng holiday babymaking activities ng mga mag-asawa, magnobyo at magka-FFB (friends for babies, hehe) noong Disyembre. Daig pa namin si Curacha – walang pahinga!

Masakit tuloy ang ulo ko ngayon at ang eyebags ko? Para na akong raccoon sa itim at sa lalim. Nasayang tuloy yung holiday ko. Imbis na nagpapakasaya sana ako sa mall kasama si Bee, nakalagpak tuloy yung mukha ko sa kama at nakatulog ng hindi man lang nakakapagbihis ng damit-pambahay.

Pero kahit puyat at pagod, bawi naman sa kanila ang pinaghihirapan ko. :)


 

Reader's Comments

  1. Jakey Junkie The Bunny | September 11th, 2010 at 5:17 am

    Ginagawa ko, kapag stressed ako, haharap ako sa salamin…

    “Who’s awesome?”

    “I’m awesome.”

    Reply to this comment
  2. The Gasoline Dude | September 11th, 2010 at 10:04 am

    It takes a lot of dedication to do what you’re doing. That’s what makes it a noble career. Kaya saludo ako sa ‘yo Doc Mnel. :)

    Reply to this comment
  3. callcenterguy | October 6th, 2010 at 8:02 am

    I salute you as well!
    .-= callcenterguy´s last blog ..35 Years of Blessings! =-.

    Reply to this comment

Leave a Comment

space